Urdu Sms, Urdu Shayari, Urdu Massage, Urdu Poetry, Urdu Quotesاے چمن والو! متاعِ رنگ و بُو جلنے لگی

اے چمن والو! متاعِ رنگ و بُو جلنے لگی
اے چمن والو! متاعِ رنگ و بُو جلنے لگی
ہر روش پر نکہتوں کی آبرو جلنے لگی

پھر لغاتِ زندگی کو دو کوئی حرفِ جُنوں
اے خرد مندو! ادائے گفتگو جلنے لگی

قصرِ آدابِ محبت میں چراغاں ہو گیا
ایک شمعِ نو ورائے ما و تو جلنے لگی

ہر طرف لُٹنے لگی ہیں جگمگاتی عصمتیں
عظمت انسانیت پھر چارسُو جلنے لگی

دے کوئی چھینٹا شراب ارغواں کا ساقیا
پھر گھٹا اُٹھی تمنّائے سبُو جلنے لگی

اِک ستارہ ٹوٹ کر معبودِ ظلمت بن گیا
اِک تجلّی آئینے کے رُو برُو جلنے لگی

دیکھنا ساغرخرامِ یار کی نیرنگیاں
آج پھُولوں میں بھی پروانوں کی خُو جلنے لگی

Check Also

Urdu Poetry, Urdu Ghazal, Urdu Sms, Urdu Shayari, Urdu Massagesچاک دامن کو جو دیکھا تو ملا عید کا چاند

Urdu sad Poetry, Urdu Sad Shayari, Urdu Sms, Urdu Wishes

Urdu sad Poetry, Urdu Sad Shayari, Urdu Sms, Urdu Wishes